Det føreligg ei felles rutine når barn treng medisin i barnehagetida. Om dette gjeld ditt barn, vil du få meir informasjon frå personalet og ein samarbeidar om handteringa av medisinen.
Her er eit utdrag frå rutina (les meir her Medisinhandtering i skular og barnehagar - Gloppen kommue):
Føresette har ansvar for
- at barnehagen får medisinen barnet skal bruke i barnehagetida, saman med legemiddelkort og eventuell instruks for akuttbehandling / anfallsbehandling
- at aktuelt personale i barnehagen har fått nødvendig opplæring. Føresette kan be helsepersonell ta seg av opplæringa når det er nødvendig
- at medisinansvaret blir overlate skriftleg til namngitte personar i barnehagen
- å levere oppdatert legemiddelkort ved endring av dosering / medisinering
- at barnehagen kjenner til barnet sin sjukdom og kva som evt kan hindre anfall eller dårleg regulert sjukdom
Personalet v/pedagogisk leiar har ansvar for
- å sette seg inn i barnet si legemiddelhandtering, og sikre seg at alle aktuelle opplysningar er mottekne
- å kvittere ut medikament som blir delt ut
Innlevering av medisin
Føresette leverer inn medisinen mandag morgon for ei veke om gongen. Tablettar / kapslar skal leverast i eigen dosett som berre inneheld medisin som skal leverast ut i barnehagetida. Dosetten skal vere merka med eleven sitt namn, legemiddeltype og doseringstidspunkt. Legemiddel som ikkje kan leverast i dosett, t.d. astmaspray, insulinpenn, mixtur, kremar o.l. skal leverast i orginalembalasje og vere godt merka med barnet sitt namn og dosering, og det skal følgje med bruksrettleiing (pakningsvedlegg).
Utlevering av akuttmedisin / anfallsmedisin
Dersom barnet kan få bruk for legemiddel ved anfall eller i akuttsituasjonar, skal føresette levere med eigen instruks om korleis medisineringa skal gå føre seg og kva tiltak som ellers må setjast i verk. T.d. om når lege skal kontaktast. Føresette skal alltid ha melding når anfallsmedisin / akuttmedisin er gitt.
Barnehagen har skjema som ein nyttar ved medisinhandtering, som er i tråd med rutina.