Leik er viktig mellom anna fordi den gjev rom for rørsle, språk, samspel, fantasi, fellesskap, tryggleik, demokrati, å byggje vennskap, øving i kvardagslege gjeremål og den tilfører barna livserfaring ved at dei kan leike ut viktige ting i livet.

Med leik som satsingsområde vil vi ha fokus på leiken mellom barna, både ved å arbeide aktivt for å verne om og fremje den, og ved å auke bevisstheita og kompetansen til personalet. At personalet har kompetanse om og bevisstheit kring leik er sentralt når vi skal støtte barna i deira leik. Personalet har ansvar for å tilrettelegge for leiken både ved å skape tid, rom og moglegheit for at god leik kan finne stad i barnehagen.

For å ivareta barna sitt behov for leik skal personalet i Rygg barnehage
-  Legge til rette for leik gjennom å organisere rom, tid og leikemateriale
-  Verne leiken for forstyrringar og gjennom å setje andre planar til side
-  Gje input i leiken som vidareutviklar den ved behov
-  Vere bevisste på si eiga rolle og eiga deltaking i leik
-  Rettleie barna dersom det oppstår uheldige samspelsmønster
-  Sørgje for at alle som ynskjer å det, får delta i samleik

Leikemiljøet i Rygg barnehage består av
-  Vaksne som er aktivt til stades med barna
-  Barn som inkluderar kvarandre og uttrykker glede i møte med kvarandre
-  Barn som leikar godt utan mengder av materiell
-  Ro. Det er fråvær av «stress» i leiken
-  Vaksne som jobbar for at det fysiske miljøet fremjar ulike typar leik