I Rygg barnehage:

•          Tek vi barna sine uttrykk på alvor, ved å møte dei på en anerkjennande måte, oppmuntre dei til å gje uttrykk for tankar og meiningar, og støtte barna ved å stille spørsmål og undre seg saman med dei.

•          Lyttar vi til og tolkar barna sitt kroppsspråk         

•          Er vi observante i forhold til barna sine ulike måtar å uttrykke seg på

•          Kommuniserer vi med barna og foreldrene på ein god måte

•          Tek vi oss tid, og gjev rom for å lytte og samtale med barna

•          Er vi tydelege og ansvarsfulle, og tek hensyn til heile barnegruppa

•          Skapar vi eit inkluderande fellesskap med plass til det enkelte barn

Vi arbeider og utviklar oss for å vere så gode rollemodellar som mogleg. Det er viktig at barn vert motivert til å delta i leiken og lærer seg korleis gode leikesituasjonar skapast. Vår oppgåve er å legge til rette for læring, og skape inspirasjon og idear til innhold i leiken.

Personalgruppa er samansatt av fire barnehagelærarar, ein fagarbeidar og 3 assistentar. For å halde oss fagleg oppdaterte deltek vi i forskningsprosjekt i regi av m.a Høgskulen i Sogn og Fjordane, har fokus på kvalitetsarbeid gjennom Resultatleiing og nyttar relevant faglitteratur for å auke kompetansen i det pedagogiske arbeidet.